Topaz Premyer Liqasının son turunda baş tutacaq “Qəbələ” – “Qarabağ” görüşünün yeri müəyyənləşib. Bu barədə apasport.az saytına məlumatı Peşəkar Futbol Liqasının (PFL) prezidenti Ramin Musayev verib.
O bildirib ki, Qəbələdə keçirilməli olan görüş əvvəlcədən nəzərdə tutulduğu kimi, Bakıya salınıb. Belə ki, qarşılaşma “Azərsun Arena”da oynanılacaq. Turun digər matçlarından fərqli, qızıl və gümüş mükafatçının dueli mayın 21-də keçiriləcək. Bütün bu dəyişikliklər medalların və kubokun təqdim edilməsi üçün nəzərdə tutulub.
Qeyd edək ki, sona bir tur qalmış “Qarabağ” 1-ci, “Qəbələ” isə 2-ci yeri təmin edib.