“3 alma” uşaq ədəbiyyatı Orxan Adıgözəlin uşaqlar üçün qələmə aldığı “Əngəlsiz arzular” əsərini nəşr edəcək.
“3 alma”dan APA-ya bildirilib ki, müasir dövrdə əsas problemlərdən biri fiziki imkanları məhdud şəxslərin cəmiyyətə adaptasiyası, eyni zamanda cəmiyyətin onlara qarşı həssaslığıdır. Kitab məhz bu problemin azyaşlı uşaqların həyatına təsiri, onların belə halla üzləşəndə verəcəyi reaksiyası barədədir.
Əsərin qəhrəmanı əslində hamımızın adi saya biləcəyi hadisə nəticəsində ayağını itirmiş balaca oğlandır. Kitabda Nihad adlı bu oğlanın həyat hekayəsi, ətrafdakıların ona fərqli münasibəti və onun bu münasibəti dəyişmək üçün apardığı mübarizə, tək ayaq üstə durmaq üçün göstərdiyi əzm, bütün əngəllərə qalib gələn arzuları, çəkdiyi zəhmət və eyni zamanda dostlarının, ailəsinin ona mənəvi yardımı təsvir olunur.
Mövzu baxımından uşaq ədəbiyyatında yeni olan “Əngəlsiz arzular” kitabı çox yaxında oxuculara təqdim ediləcək.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
