Ermənistandakı Metsamor AES-in reaktoru bu gündən etibarən təmirə bağlanacaq. APA-nın xəbərinə görə, bu barədə AES-in baş direktoru Movses Vardanyan deyib.
Onun sözlərinə görə, iyunun 1-də reaktor və 3 saylı turboaqreqat dayandırılacaq.
Vardanyan bildirib ki, təmir çərçivəsində 3 saylı turbini yüksək və orta təzyiqli silindrlərin tam modernləşdirilməsi, 3 saylı generatorun, 3 saylı əsas transformatorun əvəzlənməsi, yardımçı sistemlərə aid avadanlıqların dəyişdirilməsi və sair işlərin görülməsi nəzərdə tutulub.
İşlər Rusiyanın “Atomenerqoremont” şirkətinə həvalə edib.
Vardanyan əlavə edib ki, 2018-ci ilə planlaşdırılan işlər görüldükdən sonra AES-in buraxılış gücünün 10 faizədək artacağını istisna etməyib.
Ermənistan hökumətinin proqramı AES-in istismar müddətini 2026-cı ilədək uzatmağı nəzərdə tutur. Maliyyələşmə Rusiyanın 270 mln dollar məbləğində verdiyi dövlət ixrac krediti və 30 mln. dollar məbləğində ayırdığı qrantın hesabına həyata keçiriləcək.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
