Tbilisdə etirazçıların Rustaveli prospektində qurduğu üç çadır polis əməkdaşları tərəfindən yığışdırılıb.
APA-nın Gürcüstan bürosunun məlumatına görə, çadırlar parlamentin binası qarşısına daşınıb. Rustaveli prospektində nəqliyyatın hərəkəti bərpa olunub.
Bundan öncə çadırlardan birində etirazçılar arasında mübahisə baş verib. Polis əməkdaşları mübahisəyə müdaxilə edərək üç şəxsi saxlayıb. Etirazçılar arasında fikir ayrılığı səbəbindən mübahisənin yarandığını bildirilib.