Ermənistan MN-in vəzifəli şəxsi rüşvət müqabilində keyfiyyətsiz mallar qəbul edib

Ermənistan MN-in vəzifəli şəxsi rüşvət müqabilində keyfiyyətsiz mallar qəbul edib
# 13 iyun 2018 16:35 (UTC +04:00)

Ermənistan İstintaq Komitəsi Müdafiə Nazirliyinin vəzifəli şəxsinin külli miqdarda rüşvət alması ilə bağlı cinayət işi açıb, iki nəfərə ittiham elan olunub.

APA-nın xəbərinə görə, Ermənistan İstintaq Komitəsinin mətbuat xidmətinin məlumatında bildirilir ki, 1961-ci il təvəllüdlü M. Xalatyan 1999-cu ildən ordu üçün xidmət və malların qəbulu məqsədilə daimi texniki komissiya yaradıb. Komissiyanın ordu üçün xidmət və malların müəyyən edilən tələblərə cavab verməsini, texniki xarakterini və alış şəraitini yoxlamaq səlahiyyəti olub. M. Xalatyan 2008-ci ildə növbəti illərdə malların maneəsiz qəbul edilməsi vədi ilə şirkət direktorundan sifarişin 7 faizi həcmində rüşvət alıb. M. Xalatyan 2008-2013-cü illərdə tələblərə cavab verməyən malların qəbul edilməsi nəticəsində 31 milyon 120 min vəsait əldə edib.

M. Xalatyana qarşı xüsusən böyük miqdarda rüşvət almaq, şirkət direktoruna isə xüsusən böyük miqdarda rüşvət vermək maddələr ilə ittiham elan edilib.

#
#

ƏMƏLİYYAT İCRA OLUNUR