"Azərbaycan Dəmir Yolları” nizamnamə kapitalını 100 mln. artıracaq
APA Azeri Press Agency

"Azərbaycan Dəmir Yolları” nizamnamə kapitalını 100 mln. artıracaq

[ 13 İyun 2018 18:33 ] | Vüsal Nəbiyev

“Azərbaycan Dəmir Yolları” QSC-nin nizamnamə kapitalı artırılır.

 

"APA-Economics" xəbər verir ki, bu, “2018-ci il dövlət büdcəsinə dəyişikliklər edilməsi haqqında" qanun layihəsində öz əksini tapıb.

 

Məlumata görə, Şərq-Qərb dəmir yolu dəhlizinin Bakı-Böyük Kəsik xəttində rabitə-işarəvermə sisteminin yenidən qurulması ilə bağlı QSC-nin nizamnamə kapitalının artırılması üçün 100 mln. manat vəsait yönəldiləcək.

 

Bununla da “Azərbaycan Dəmir Yolları”nın nizamnamə kapitalı 12,4% artırılaraq 906 mln. 61 min 960 manata çatdırılacaq.