İƏT Gənclər Forumu BMT-İƏT görüşündə iştirak edib

İƏT Gənclər Forumu BMT-İƏT görüşündə iştirak edib
# 06 iyul 2018 08:23 (UTC +04:00)

Mərakeş Krallığının paytaxtı Rabat şəhərində keçirilmiş Birləşmiş Millətlər Təşkilatı (BMT) - İslam Əməkdaşlıq Təşkilatının (İƏT) 3 gün davam edən 14-cü sessiyası öz işini başa çatdırıb.

APA-nın xəbərinə görə, tədbirin əsas məqsədi həm BMT, həm də İƏT-ə bağlı təşkilatlar arasında mövcud olan əməkdaşlıq yollarını inkişaf etdirməkdir.


Tədbir ISESCO-nun Rabatdaki baş qərargahında BMT və İƏT-ə üzv təşkilat rəhbərləri və nümayəndələrinin iştirakı ilə keçirilib. Görüşdə keçən dövr ərzində həyata keçirilmiş fəaliyyətlər müzakirə olunub, gələcək müştərək layihələr nəzərdən keçirilib.


Tədbirdə Dialoq və Əməkdaşlıq uğrunda İƏT Gənclər Forumu nümayəndə heyəti də iştirak edərək İƏT Gənclər Forumunun sədri Elşad İskəndərovun təşkilatın fəaliyyətini əks etdirən müraciətini tədbir iştirakçılarının diqqətinə çatdırıb.


Üç günlük görüşün nəticəsi olaraq qəbul olunan yekun qərarlarda BMT və İƏT strukturları arasında müştərək fəaliyyət proqramları çərçivəsində İƏT Gənclər Forumunun siyasi, iqtisadi və sosial sahələr üzrə təklif etdiyi bir sıra tədbirlər, o cümlədən bu ilin sentyabrında İordaniyada Beynəlxalq Gənclər Düşərgəsinin və Sudanda Afrika müsəlman Gənclər Forumunun keçirilməsi də öz əksini tapıb.


Rabat sessiyası çərçivəsində İƏT Gənclər Forumu nümayəndə heyəti gələcək əməkdaşlıq yolları müzakirə etmək üçün BMT-nin üzv qurumları nümayəndələri ilə danışıqlar aparıb.

#
#

ƏMƏLİYYAT İCRA OLUNUR