ABŞ prezidenti Donald Tramp NATO ölkələrinin hərbi xərclərini görünməmiş həddə qədər yüksəltmək barədə razılığa gəldiklərini açıqlayıb.
APA-nın TASS-a istinadən verdiyi xəbərə görə, D. Tramp bunu Brüsseldə NATO zirvə toplantısının yekunlarına dair keçirdiyi mətbuat konfransında bildirib.
“Ciddi irəliləyişə nail olunub. Hər kəs öz ödənişlərinin səviyyəsini əvvəllər təsəvvür edilməyəcək qədər yüksəltmək barədə razılığa gəldi”, - deyə ABŞ prezidenti söyləyib. O bildirib ki, il ərzində NATO ölkələri hərbi xərclərini 33 milyard dollar artırıb: “ABŞ NATO-da qalır və bizim ittifaqa bağlılığımız çox möhkəmdir”.
Qeyd edək ki, NATO zirvəsinin qapalı toplantısında D. Trampin digər ölkələri hərbi xərclərini artırmayacağı təqdirdə ABŞ-ın ittifaqı tərk edəcəyi ilə hədələdiyi barədə xəbər yayılıb. Lakin bu xəbər təkzib edilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
