Şəkidə 10 yaşlı uşağı qonaq getdiyi yerdə ilan sancıb. APA-nın Şəki-Zaqatala bürosunun məlumatına görə, iyulun 12-si axşam saat 22 radələrində rayonun Cəyirli kənd sakini, 2008-ci il təvəllüdlü Dinar Rauf qızı Məmmədova ilan sancması xəsarəti ilə Şəki Mərkəzi Rayon Xəstəxanasına (MRX) daxil olub.
MRX-dan APA-ya bildirlib ki, müayinə zamanı 10 yaşlı Dinar Məmmədovanı qonaq getdiyi yerdə ilan sancması məlum olub. Dinar Məmmədova ayaqyoluna gedən zaman bilmədən ilanın üstünə basıb. Bu zaman ilan onun sol ayağın topuq nahiyəsindən sancıb. Müalicəsi xəstəxananın reanimasiya şöbəsində aparılan Dinar Məmmədovaya lazımi tibbi yardım göstərilib, ilan zəhəri əleyhinə qarşı zərdab vurulub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
