Kaliforniyada “Əli və Nino” filminin premyerası keçirilib

Heydər Əliyev Fondunun vitse-prezidenti Leyla Əliyevanın layihə rəhbəri və icraçı prodüseri olduğu “Əli və Nino” filminin ABŞ-ın Kaliforniya ştatının San Dieqo şəhərində premyerası keçirilib.

 

Film, mayın 9-da Azərbaycanın Los Ancelesdəki Baş Konsulluğunun və Bakı şəhəri, Nəsimi rayonu İcra Hakimiyyətinin birgə təşkilatçılığı ilə San Dieqonun tanınmış “Regal Cinema” kinoteatrında təqdim olunub. 

 

Azərbaycanın Los Ancelesdəki Baş Konsulluğundan APA-ya verilən məlumata görə, nümayişdə çoxsaylı kinosevərlər, eləcə də Azərbaycan mədəniyyətinin dostları iştirak ediblər.

 

Nümayişdən öncə çıxış edən Azərbaycanın Los Ancelesdəki baş konsulu Nəsimi Ağayev, “Əli və Nino” filmində tərənnüm edilən multikulturalizm və dinlərarası harmoniya prinsiplərinin tarix boyu olduğu kimi, bu gün də Azərbaycan üçün keçərli olduğunu və bu ənənələrin ölkəmizdə həyat tərzi olaraq getdikcə daha da gücləndiyini diqqətə çatdırıb. Azərbaycan multikulturalizmi ilə yanaşı, ilk respublikamızın qurulması ətrafında cövlan edən prosesləri yüksək ustalıqla dünya tamaşaçısına çatdıran belə bir dəyərli filmin ərsəyə gətirilməsini əlamətdar hadisə kimi qiymətləndirən diplomat, Azərbaycanın unikal tolerantlıq dəyərləri, eləcə də müstəqillik mübarizəmizin tarixi barədə dünya ictimaiyyətinin məlumatlandırılmasında filmin mühüm rol oynayacağını vurğulayıb.

 

Sonra çıxış edən Bakı şəhəri, Nəsimi rayonu İcra Hakimiyyətinin başçısı Asif Əsgərov Azərbaycan kinematoqrafiyasının tarixi, eləcə də azərbaycanlı yazar tərəfindən yazılmış və Vyanada 1937-ci ildə ilk dəfə nəşr olunmuş “Əli və Nino” əsəri barədə tamaşaçılara məlumat verərək, əsərin indiyədək 33 dilə tərcümə olunduğunu qeyd edib. A.Əsgərov, iki gəncin ülvi məhəbbəti ilə yanaşı filmin Azərbaycan Demokratik Respublikasının yaradılması ilə əlaqədar hadisələri də əks etdirdiyini bildirərək, ADR-in müsəlman dünyasında ilk dünyəvi respublika olduğunu və qadınlara ilk dəfə səsvermə hüququ verdiyini amerikalı tamaşaçıların diqqətinə çatdırıb. Natiq, filmin ərsəyə gətirilməsinin Azərbaycanın birinci Vitse-prezidenti və Heydər Əliyev Fondunun prezidenti Mehriban Əliyevanın və Heydər Əliyev Fondunun vitse-prezidenti Leyla Əliyevanın hərtərəfli dəstəyi nəticəsində mümkün olduğunu qeyd edərək, onlara təşəkkürünü bildirib.

 

Sonra film nümayiş etdirilib.

 

Qeyd edək ki, Bakının Nəsimi rayonu ilə San Dieqonun Svitzer Haylənd rayonu 2011-ci ildə qardaşlaşıblar. 

BÖLMƏDƏN DİGƏR XƏBƏRLƏR

XƏBƏR LENTİ

15:11 27 May
08:52 27 May
TOP 5

VİDEO XƏBƏRLƏR

FOTO XƏBƏRLƏR

  • iran turkmenistani mehkeme ile hedeleyib
    İran Türkmənistanı məhkəmə ilə hədələyib
  • ankarada qarabag parkinin acilisi olub
    Ankarada Qarabağ Parkının açılışı olub
ankarada qarabag parkinin acilisi olub ankarada qarabag parkinin acilisi olub +2
MƏZƏNNƏ
FOREX
/ 28 May, 2017

USD
1.702
 
EUR
1.9062
 
RR
0.03
 

SƏSVERMƏ

Bizim saytdan istifadə etmək sizin üçün rahatdırmı?
TƏSDİQLƏ