Hadı Rəcəbli: “Sahibkarlar icra orqanlarında süründürməçiliklə üzləşir”

hadi recebli sahibkarlar icra orqanlarinda surundurmecilikle uzlesir

Milli Məclisin iclasında Nazirlər Kabinetinin 2016-cı il üzrə hesabatı ətrafında müzakirələr aparılıb.

 

APA-nın xəbərinə görə, deputat Əli Məsimli bildirib ki, ilk növbədə islahatlar xalqa çatdırılmalı və onlar tərəfindən dəstəklənməlidir. O təklif edib ki, bunun üçün İTV-də Rusiyada olan biznes kanalı formatında bir blok yaradılsın və əhali iqtisadi proseslərlə bağlı məlumatlandırılsın: “2016-cı ildə yaranmış vəziyyətdən çıxmaq üçün bir sıra tədbirlər görülüb. Beynəlxalq Valyuta Fondu ötən il iqtisadiyyatımızda 2,5 faiz artım olacağını proqnozlaşdırmışdı. Amma hökumət bu rəqəmin 1,8 faiz olacağını vurğulamışdı. Təəssüf ki,  ötən il artım əvəzinə, 3,1 faiz eniş müşahidə olunub. İlk növbədə islahatlar xalqa çatdırılmalı və onlar tərəfindən dəstəklənməlidir. Rayonlarda yeni iş yerlərinin açılması istiqamətində işlər görülməlidir”.

 

Deputat Musa Qasımlı Yardımlı və Masallı rayonlarında həllini  gözləyən problemləri baş nazirin diqqətinə çatdırıb, problemlərin həllində hökumətdən yardım istəyib.

 

Əmək və sosial siyasət komitəsinin sədri Hadı Rəcəbli isə sahibkarların icra orqanlarında süründürməçiliklə üzləşməsindən narazılığını bildirib və bunun orta-kiçik sahibkarlığa zərər vurduğunu söyləyib. O tələb edib ki, icra orqanları buna son qoysun. H. Rəcəbli icra orqanları ilə Milli Məclisin əməkdaşlığını yüksək qiymətləndirib. Komitə sədri turizm sahəsi ilə bağlı narahat olduğu məqamı da açıqlayıb: “Qarşıdan bayramlar gəlir. Məndə olan məlumata görə, bayram günlərində İrandan 500 avtobus turist gələcək. İran tərəfində 8 saatlıq iş rejimi olduğundan, bu qədər turistin gəlməsi gömrükdə çətinlik yaradacaq. Nədənsə, Azərbaycan gömrük orqanlarının istəyinə baxmayaraq, İran tərəfinin sərhəd-keçid məntəqələrində bu qədər az iş vaxtı müəyyənləşib. Azərbaycan da məcburdur ki, bu vaxta əməl etsin. Belə halda, gəlin təsəvvür edək ki, bayram günlərində o keçid məntəqəsində hansı vəziyyət yaranacaq. 500 avtobusla gələn turistlər günlərlə orada qalacaq. Ciddi gərginlik yaranacaq. Ölkəyə gələn turistlər pis təəssüratla ayrılacaqlar. Ona görə də Azərbaycan hökuməti qonşu dövlətin müvafiq qurumları ilə danışıqlar aparıb, tədbirlər görməlidir”.

BÖLMƏDƏN DİGƏR XƏBƏRLƏR

XƏBƏR LENTİ

17:16 21 İyul
TOP 5

VİDEO XƏBƏRLƏR

FOTO XƏBƏRLƏR

  • azerbaycan prezidenti rusiyaya sefer edib
    Azərbaycan prezidenti Rusiyaya səfər edib
  • sabuncuda uc nefer denizde batmaq tehlukesi ile uzlesib
    Sabunçuda üç nəfər dənizdə batmaq təhlükəsi ilə üzləşib...
sabuncuda uc nefer denizde batmaq tehlukesi ile uzlesib sabuncuda uc nefer denizde batmaq tehlukesi ile uzlesib +2
MƏZƏNNƏ
FOREX
/ 22 İyul, 2017

USD
1.7012
 
EUR
1.9783
 
RR
0.0289
 

SƏSVERMƏ

Bizim saytdan istifadə etmək sizin üçün rahatdırmı?
TƏSDİQLƏ