Bakı Forumu çərçivəsində Baltik-Qara dəniz təhlükəsizlik icmasının yaradılması müzakirə edilib

V Qlobal Bakı Forumu çərçivəsində “Baltik-Qara dəniz təhlükəsizlik icmasının yaradılması: Fəaliyyət Planına doğru” mövzusunda panel iclası keçirilib.

 

APA-nın məlumatına görə, panelin moderatorluğunu Rusiya baş nazirinin keçmiş müavini Gennadi Burbulis həyata keçirib.

 

İlk olaraq çıxış edən Moldovanın keçmiş prezidenti Petru Luçinski bildirib ki, hazırda Avropa daxilində problemlər mövcuddur: “Brexit baş verdi, digər gərginliklər var. Bütün hallarda prioritetlər müəyyənləşməlidir”.

 

Baltik-Qara dəniz Mərkəzinin təmsilçisi İrina Veraşşuk mərkəzin yaxın gələcəkdə qarşıya qoyduğu məqsədləri açıqlayıb. O deyib ki, bu məqsədlərin icrası üçün birləşmək və birlikdə fəaliyyət göstərmək lazımdır.
  
Latviyanın keçmiş prezidenti Valdis Zatlers qeyd edib ki, Rusiya sərhədləri boyunca münaqişələr var: “Bunlar dondurulmuş və dondurulmamış münaqişələrdir. Məsələn, Dnestryanı və Abxaziyada öldürmürlər. Lakin Donbas və Qarabağda itkilər olur. Biz düşünməliyik ki, gələcəkdə nəyi dəyişə bilərik. Anlamaq lazımdır ki, ölkələr əməkdaşlıq etməlidir. Məqsəd aydın olmalıdır və bilməliyik ki, nə etməliyik, necə etməliyik”.
 
Polşanın keçmiş prezidenti Aleksandr Kvasnevski bəyan edib ki, indiki dövrdə keçmiş prezidentlərin təklif etdiyi ən yaxşı yol dialoqdur: “Bu gün siyasətçilər bizi dinləmək istəyirlərsə, bu yaxşıdır. Lakin bəziləri bunu istəmir. Ona görə də biz universitetlərlə, gənclərlə işləmələyik". 
 
A. Kvasnevskinin fikrincə, təkcə “dondurulmuş” münaqişələr barədə deyil, Rusiya ilə dondurulmuş dialoq barədə də danışmaq və məsələni həll etmək lazımdır.

BÖLMƏDƏN DİGƏR XƏBƏRLƏR

XƏBƏR LENTİ

TOP 5

VİDEO XƏBƏRLƏR

FOTO XƏBƏRLƏR

  • unec avropa tehsil mekanina inteqrasiyani genislendirir
    UNEC Avropa təhsil məkanına inteqrasiyanı genişləndirir...
  • dil pozuntularinin qarsisini almaq ucun ceza tedbirleri hazirlanacaq
    Dil pozuntularının qarşısını almaq üçün cəza tədbirləri hazı...
dil pozuntularinin qarsisini almaq ucun ceza tedbirleri hazirlanacaq dil pozuntularinin qarsisini almaq ucun ceza tedbirleri hazirlanacaq +2
MƏZƏNNƏ
FOREX
/ 30 May, 2017

USD
1.702
 
EUR
1.8939
 
RR
0.0301
 

SƏSVERMƏ

Bizim saytdan istifadə etmək sizin üçün rahatdırmı?
TƏSDİQLƏ