Britaniya səfiri: "Azərbaycandakı tolerant mühit digər ölkələr üçün örnək olmalıdır"

britaniya sefiri azerbaycandaki tolerant muhit diger olkeler ucun ornek olmalidir

Dini Qurumlarla İş üzrə Dövlət Komitəsinin sədri Mübariz Qurbanlı Böyük Britaniya və Şimali İrlandiya Birləşmiş Krallığının Azərbaycandakı səfiri xanım Kerol Meri Kroftsu qəbul edib.

 

Komitədən APA-ya verilən məlumata görə, görüşdə bildirilib ki, Azərbaycan dünyəvi dövlətdir və dövlət-din münasibətləri Konstitusiya və "Dini etiqad azadlığı haqqında" qanunla tənzimlənir.

 

Azərbaycan əhalisinin 96 faizinin müsəlman, 4 faizinin qeyri-müsəlman olduğunu diqqətə çatdıran M. Qurbanlı qeyd edib ki, sovetlər dönəmində cəmi 17 məscid fəaliyyət göstərdiyi halda, bu gün ölkədə 2100-dən çox məscid var: “Məscidlərin və digər dini ibadət yerlərinin tikintisi və bərpası Azərbaycan hökumətinin hesabına həyata keçirilir. Bu proses ulu öndər Heydər Əliyevin hakimiyyəti dövründə başlayıb və bu gün də cənab prezident İlham Əliyevin rəhbərliyi ilə davam edir. Bu gün Azərbaycan tolerantlıq və multikultural dəyərlərə görə dünyada nümunə ola biləcək ölkələrdən biridir. Müxtəlif konfessiyalar sərbəst və qarşılıqlı anlaşma şəraitində fəaliyyət göstərirlər. Ölkəmizdə məscid, sinaqoq və kilsələr insanların ixtiyarına verilib”.

 

Komitə sədri bildirib ki, şəriət və dinlə bağlı digər məsələləri mərkəzləşmiş qaydada Qafqaz Müsəlmanları İdarəsi həyata keçirir: “Dövlət heç bir halda din işlərinə müdaxilə etmir, amma bununla belə, Azərbaycanda dövlət tərəfindən dinə diqqət və qayğı hər zaman özünü biruzə verir. Azərbaycan prezidenti İlham Əliyevin sərəncamı ilə ölkədə fəaliyyət göstərən ayrı-ayrı dini icmalara yardımlar göstərilir. Eyni zamanda ölkəmizdə radikalizmə qarşı iqtisadi, inzibati və ideoloji müstəvidə mübarizə aparılır və bu sahədə çox mühüm irəliləyiş əldə olunub”.

 

2017-ci ilin “İslam Həmrəyliyi İli” elan olunduğunu diqqətə çatdıran M. Qurbanlı vurğulayıb ki, Azərbaycan müxtəlif dinlərin və mədəniyyətlərin birgəyaşayışı və həmrəyliyi istiqamətində ardıcıl siyasət yürüdür. Dini dözümsüzlüyün, dini ayrı-seçkiliyin bütün dünyada geniş yayıldığı bir dövrdə dövlət başçısının birbaşa göstərişi ilə inşa olunmuş Cənubi Qafqazın ən böyük məscidi olan Heydər məscidində vəhdət namazlarının qılınması İslam dünyasına bir nümunə, bir çağırışdır.

 

Səfir Kerol Meri Krofts isə ölkəsi ilə Azərbaycan arasında uğurlu əməkdaşlıq mühitinin mövcud olduğunu vurğulayaraq bu əlaqələrin bundan sonra da inkişaf etdirilməsi üçün çalışacağını deyib. Azərbaycanda olduğu müddətdə müxtəlif bölgələrimizə səfər etdiyini bildirən qonaq ölkəmizdəki multikultural və tolerant mühitin şahidi olduğunu qeyd edib. O bildirib ki, bu mühit digər ölkələr üçün örnək olmalıdır.

BÖLMƏDƏN DİGƏR XƏBƏRLƏR

XƏBƏR LENTİ

09:10 27 Mart
TOP 5

VİDEO XƏBƏRLƏR

FOTO XƏBƏRLƏR

  • azerbaycanda ilk defe yuksek tehlukesiz pul capi movzusunda beynelxalq konfrans kecirilir
    Azərbaycanda ilk dəfə “Yüksək təhlükəsiz pul çapı” mövzusund...
  • goran poliqonunda 40 mm lik silah qumbarasi askarlanib
    Goran poliqonunda 40 mm-lik silah qumbarası aşkarlanıb
goran poliqonunda 40 mm lik silah qumbarasi askarlanib goran poliqonunda 40 mm lik silah qumbarasi askarlanib +2
MƏZƏNNƏ
FOREX
/ 27 Mart, 2017

USD
1.7201
 
EUR
1.8654
 
RR
0.0302
 

SƏSVERMƏ

Bizim saytdan istifadə etmək sizin üçün rahatdırmı?
TƏSDİQLƏ