Vidadi Zeynalov: “Əvvəldən əmlaklarımla bağlı vəsiyyət hazırlamışdım” - "RABİTƏ İŞİ"

vidadi zeynalov evvelden emlaklarimla bagli vesiyyet hazirlamisdim rabite isi

Bu gün Bakı Ağır Cinayətlər Məhkəməsində Rabitə və Yüksək Texnologiyalar Nazirliyinin sabiq Aparat rəhbəri Vidadi Zeynalov və digərlərinin cinayət işi üzrə məhkəmə davam etdirilib.

 

APA-ın məlumatına görə, hakim Əfqan Hacıyev sədrliyi keçirilən prosesdə Vidadi Zeynalov ifadə verib. O, ittiham aktı ilə ətraflı tanış olduğunu bildirib, sənədlə razılaşmadığını vurğulayıb: “İstintaq orqanının dəymiş ziyanla bağlı hesablamaları necə apardığı mənə məlum deyil. İstintaq materiallarında xeyli ziddiyyətli məqam var”.

 

Sabiq aparat rəhbəri həbs qoyulmuş əmlakları ilə də bağlı geniş danışıb: “Nə vaxtsa həyatdan köçərəmsə, maldan-mülkdən ötrü övladlarımın arasında narazılıq yaranmaması məqsədilə onlar üçün öz əmlaklarımla, eləcə də anam və yaxın qohumlarımın rəsmi qaydada bağışladıqları əmlaklarla bağlı siyahı tərtib edərək, vəsiyyət yazmışam və seyfə qoymuşam. Mən tutulan gecə həmin vəsiyyət seyfdən götürüldü. Həmin gecə bütün saytlarda bu siyahı yayıldı. Bunlar kimə lazım idi? Ata yurdumuzda bacılarımın, qardaşımın, qaynımın, bacanağımın, qızımın, qonşularımın evləri, dövlət tərəfindən onlara kənddə verilən pay torpaqları, hətta dövlətdən, bələdiyyədən müqavilə ilə icarəyə götürdüyüm torpaqları da siyahıya əlavə edib mətbuata ötürüblər”.

 

O, istintaq zamanı rəqəmlərin şişirdildiyini bildirib.

 

Vidadi Zeynalov vəkillərin suallarını cavablandırarkən deyib ki, əmlaklarını satmaq istəyir: “Amma gərək əmlakımın üzərindəki həbs götürülsün ki, mən də satıb, boynuma qoyulan ziyanı ödəyim”.

 

Hakim isə bildirib ki, əmlaklarla bağlı məsələyə sonda qiymət veriləcək.

 

 “Azərpoçt”un sabiq rəhbəri Qəmbər Bəybalayev çıxışında nədə təqsirləndirildiyini bilmədiyini deyib: “Vidadi Zeynalov da ifadəsində bildirdi ki, sabiq nazir Əli Abbasovun tapşırığına əsasən, bizim idarədə bəzi əməkdaşlar “paket” alıb. Mən heç zaman “paket” almamışam. Alan şəxslərlə də qarışmamışam. Əvvəllər bizim idarədə maaş çox az idi. Nazirdən xahiş elədim ki, əməkhaqqımızı qaldırsın. O, “paket” verilməsini təklif etdi, mən i razılaşmadım. Sağ olsun, Vidadi müəllim də məni dəstəklədi, maaşımız normallaşdı. Ona görə mən heç zaman əlavə pul söhbətində olmamışam”.

 

Proses mayın 19-da davam edəcək.

 

Qeyd edək ki, Baş Prokurorluq tərəfindən həyata keçirilmiş istintaq-əməliyyat tədbirləri ilə Bakı Telefon Rabitəsi İstehsalat Birliyinin baş direktoru Beytulla Hüseynovun 2009-2015-ci illərdə arvadının təsisçisi olduğu “Bakı Rabitə Təmir Tikinti” və “Təmir Təchizat Servis” MMC-lərinin direktoru Bayram Vəliyev, yaxın münasibətlərdə olduğu “3 nömrəli Rabitə Təmir Tikinti”, “Rabitə Mülki Tikinti” MMC-lərinin direktoru Emin Məmmədov və birliyin baş mühasibi Anar Mustafayevlə qabaqcadan əlbir olub yeni rabitə xətlərinin çəkilməsi, binaların, qurğuların təmiri-tikintisi və sair işlərin yerinə yetirilməsi üçün onların hesablaşma hesablarına köçürüləcək pul vəsaitlərinin işlərin həcmindən asılı olaraq 35-45% həcmində hissəsinin nağdlaşdırılaraq B. Hüseynovun özünə verilməsi barədə razılığa gəliblər. B. Hüseynov tabeliyində olan qovşaqların formal olaraq keçirdikləri tenderlərdə vəzifə saxtakarlığı ilə həmin məhdud məsuliyyətli cəmiyyətlərin qalib elan olunaraq müqavilələr bağlanmaqla və faktiki işlərin tam icra olunmadığı halda, o cümlədən internet xidmətinin təmin edilməsi üçün fiber-optik kabel xətlərinin çəkilişi zamanı işlərin faktiki olaraq telefon qovşaqları tərəfindən aparıldığı halda guya həmin işlərin faktiki özünə məxsus olan müəssisələr tərəfindən görülməsi və işlərin həcminin artırılması barədə saxta sənədlərin tərtib edilməsi yolu ilə adıçəkilən MMC-lərin hesabına köçürülmüş ümumilikdə 71 milyon 263 min manat məbləğində vəsaitin 21 milyon 379 min manatını mənimsəməklə dövlətin qanunla qorunan mənafelərinə ağır nəticələrə səbəb olan zərər vurmalarında şübhələr üçün əsaslar müəyyən edilib.

 

 

 

Bununla yanaşı, nazirliyin Aparat rəhbəri Vidadi Zeynalov qulluq mövqeyindən sui-istifadə edərək nazirliyin strukturuna daxil olan ayrı-ayrı qurumların vəzifəli şəxsləri ilə qabaqcadan razılaşmaqla həmin strukturlar tərəfindən işlərin görülmədiyi, tam yerinə yetirilmədiyi, avadanlıqlar alınmadığı, istifadə olunan avadanlıqların, xidmətlərin qiymətlərinin isə 4-5 qat şişirdilməsi və digər üsullarla işlərin və xidmətlərin guya yerinə yetirilməsini özlərinin himayə etdikləri, yaxın münasibətdəç olduqları şəxslərin adına olan özəl şirkətlər tərəfindən saxta sənədlər əsasında rəsmiləşdirməsini təmin etməklə müvafiq müəssisələrin ayrı-ayrı banklardakı hesabına köçürülmüş 73 milyon 590 min manat vəsaitin nağdlaşdırılmaqla mənimsənilməsini və israf edilməsini təşkil etməsində şübhələr üçün əsaslar müəyyən edilib.

 

 

 

Cinayət işi üzrə nazirliyin strukturuna daxil olan “Aztelekom” MMC, “AzİnTelekom” MMC, “Azərpoçt” MMC, Məlumat Hesablama Mərkəzi və özəl şirkət “Optik Rabitə Tikinti və Quraşdırma” MMC-nin fəaliyyətində də mənimsəmə və israf etmə, vəzifə səlahiyyətlərindən sui-istifadə və vəzifə saxtakarlığı faktları müəyyənləşib.

 

 

 

İş üzrə Beytulla Hüseynov, Anar Mustafayev, Emin Məmmədov, Bayram Vəliyevə və “Aztelekom” MMC-nin baş mühasibi Oktay Rüstəmova Cinayət Məcəlləsinin 179.3.2 (külli miqdarda mənimsəmə), 308.2 (vəzifə səlahiyyətlərindən sui-istifadə) və 313-cü (vəzifə saxtakarlığı), Vidadi Zeynalova, həmçinin “AzİnTelekom” MMC-nin baş direktoru Cəlil Cəfərova, “Azərpoçt” MMC-nin baş direktoru Qəmbər Bəybalayevə və “Optik Rabitə, Tikinti və Quraşdırma” MMC-nin direktoru Namazalı Məmmədova həmin məcəllənin 179.3.2 və 308.2-ci, MMC-nin baş mühasibi Səhrab Hümbətova isə 179.3.2, 308.2 və 313-cü maddələrdə nəzərdə tutulan ittiham elan edilməklə barələrində məhkəmənin müvafiq qərarları ilə həbs qətimkan tədbiri seçilib.

 

 

 

 

 

 

 

 

 

BÖLMƏDƏN DİGƏR XƏBƏRLƏR

XƏBƏR LENTİ

15:05 22 İyul
TOP 5

VİDEO XƏBƏRLƏR

FOTO XƏBƏRLƏR

  • masallida vaz asib surucu xesaret alib
    Masallıda "VAZ" aşıb, sürücü xəsarət alıb
  • fhn bakida bas veren yanginla bagli melumat yayib yenilenib 3
    FHN Bakıda baş verən yanğınla bağlı məlumat yayıb - YENİLƏNİ...
fhn bakida bas veren yanginla bagli melumat yayib yenilenib 3 fhn bakida bas veren yanginla bagli melumat yayib yenilenib 3 +2
MƏZƏNNƏ
FOREX
/ 23 İyul, 2017

USD
1.7012
 
EUR
1.9783
 
RR
0.0289
 

SƏSVERMƏ

Bizim saytdan istifadə etmək sizin üçün rahatdırmı?
TƏSDİQLƏ