AzMİU-da “Müasir dövrün su problemləri” adlı elmi konfrans keçirilib

Bu gün Azərbaycan Memarlıq və İnşaat Universitetində (AzMİU) “Azərsu” ASC və Memarlıq, inşaat elminə və tədrisin inkişafına yardım xeyriyyə fondunun təşkilatçılığı ilə Azərbaycanda şollar su kəmərinin çəkilməsinin 100 illiyinə həsr olunmuş “Müasir dövrün su problemləri” adlı elmi-praktik konfrans keçirilib.

 

AzMİU-dan APA-ya bildirilib ki, konfransda universitetin professor-müəllim heyəti, doktorant və magistrləriylə yanaşı, ASC-nin sədr müavini Seymur Seyidov, sədrin müşaviri Çingiz Abdullayev, cəmiyyətin Sukanal ETLİ-nin direktoru Çingiz Qurbanov iştirak edib. Konfransa qatılanlar arasında Qazaxıstandan gələn nümayəndə heyəti də olub. 

 

AzMİU-nun Elm və texnika işləri üzrə prorektoru, professor Arif Şərifov tədbiri açıb, Mühəndis sistemləri və qurğularının tikintisi kafedrasının müdiri Nurməmməd Məmmədov tədbirin aktual mövzuya həsr edildiyini, müzakirələrin maraqlı keçəcəyinə ümidvar olduğunu bildirib.

 

Çingiz Abdullayev Şollar-Bakı Su Qurğuları Kompleksinin 100 illik yubileyi günlərində keçirilən belə tədbirlərin su sektorunda mövcud vəziyyətin, problemlərin öyrənilməsi və onların həlli yollarının müəyyənləşdirilməsi baxımından səmərəli olduğunu iştirakçıların diqqətinə çatdırıb. O, təmsil etdiyi qurumun istehlakçılara göstərilən içməli su təchizatı və kanalizasiya xidmətlərinin yaxşılaşdırılması istiqamətində mühüm layihələr həyata  keçirdiyini,  Bakı şəhəri və ətraf qəsəbələrdə, eləcə də regionlarda su təchizatı və kanalizasiya sistemlərinin yenidən qurulması istiqamətində işlərin bu gün də səmərəli şəkildə davam etdirildiyini vurğulayıb.  

 

Konfransın ilk plenar iclasında AzMİU-nun müəllimi, texnika üzrə fəlsəfə doktoru Asif Kəngərli “Bakının su təchizatı tarixindən” adlı məruzə ilə çıxış edib. Sonra konfrans bölmə iclaslarında davam etdirilib. 

 

Onu da qeyd edək ki, konfrans 2 gün davam edəcək. 

 

BÖLMƏDƏN DİGƏR XƏBƏRLƏR

XƏBƏR LENTİ

09:02 16 İyul
13:43 15 İyul
TOP 5

VİDEO XƏBƏRLƏR

FOTO XƏBƏRLƏR

  • goycayda 60 hektar bicilmis taxil sahesi yanib yuksek gerginlikli elektrik xetleri muhafize olunub
    Göyçayda 60 hektar biçilmiş taxıl sahəsi yanıb, yüksək gərgi...
  • bmt nin azerbaycandaki rezident elaqelendiricisi temiz seher in fealiyyeti ile tanis olub
    BMT-nin Azərbaycandakı rezident əlaqələndiricisi “Təmiz Şəhə...
bmt nin azerbaycandaki rezident elaqelendiricisi temiz seher in fealiyyeti ile tanis olub bmt nin azerbaycandaki rezident elaqelendiricisi temiz seher in fealiyyeti ile tanis olub +2
MƏZƏNNƏ
FOREX
/ 16 İyul, 2018

USD
1.7
 
EUR
1.9874
 
RR
0.0272