Qusarda narkomaniya və dini radikalizm təhlükəsi mövzusunda tədbir keçirilib

Qusar Rayon Polis Şöbəsinin təşkilatçılığı ilə rayonun Böyük Muruq kəndində “Narkomaniyanın sosial təhlükəliliyi və doğurduğu fəsadlar”, “Dini radikalizm cəmiyyət üçün təhlükədir” mövzusunda maarifləndirici tədbir keçirilib.

 

DİN Mətbuat Xidmətinin Quba regional qrupundan APA-nın şimal bürosuna verilən məlumata görə, yerli icra nümayəndələri, məktəbin pedaqoji heyəti, kənd sakinləri, yuxarı sinif şagirdləri və valideynlərin iştirak etdiyi tədbirdə çıxış edən RPŞ-nin rəisi, polis polkovniki Zaur Bədəlov dövrümüzün ağır bəlasına çevrilən narkomaniyanın zərərlərindən, insan sağlamlığı üçün təhlükələrdən, eləcə də narkotik vasitələrə yaranan asılılıqdan və ölkəmizdə narkomanlığa qarşı aparılan mübarizədən danışıb.

 

O qeyd edib ki, narkotik vasitələrdən istifadə edən hər bir şəxs uğurlu gələcəyindən imtina etməklə, cəmiyyətdə həmişə geridə qalır və aludəçiliyin, zərərli təsirlərin fəsadlarından qurtula bilmir. Onun sözlərinə görə, gəncləri daha düzgün və uğurlu yola yönləndirmək valideynlərdən və əsasən də müəllimlərdən asılıdır. 

 

“Dini radikalizm cəmiyyət üçün təhlükədir” mövzusunda danışan RPŞ-nin rəisi bildirib ki,  hər kəsin dini inancı var və hər bir şəxs buna hörmətlə yanaşmalıdır.

 

Z. Bədəlov həmçinin erkən nikahın doğurduğu mənfi cəhətlər və gənc ailələrdə yaratdığı problemlərdən söz açıb.

 

Görüşün sonunda məktəbliləri maraqlandıran suallar cavablandırılıb.

BÖLMƏDƏN DİGƏR XƏBƏRLƏR

XƏBƏR LENTİ

09:02 22 İyun
TOP 5

VİDEO XƏBƏRLƏR

FOTO XƏBƏRLƏR

  • muhendis qosunlarinin telimi kecirilir
    Mühəndis Qoşunlarının təlimi keçirilir
  • bakida 2018 camca regional forumu kecirilir
    Bakıda 2018 CAMCA Regional Forumu keçirilir
bakida 2018 camca regional forumu kecirilir bakida 2018 camca regional forumu kecirilir +2
MƏZƏNNƏ
FOREX
/ 22 İyun, 2018

USD
1.7
 
EUR
1.9745
 
RR
0.0267