Bakı – APA. Bu gün futzal üzrə AVRO-2016-nın pley-off mərhələsinin püşkü atılıb. Apasport.az saytının məlumatına görə, İsveçrənin Nyon şəhərində təşkil olunan tədbirdə gələn il fevralın 2-13-də Serbiyada keçiriləcək final mərhələsinə son vəsiqələrə iddiaçılar 4 cütlük təşkil edib.
Seçmə mərhələdə qrup ikincisi olan 7 yığma – Azərbaycan, Macarıstan, Bosniya və Herseqovina, Çexiya, Slovakiya, Qazaxıstan, Belarus və ən yaxşı nəticəyə malik qrup üçüncüsü – Rumıniya qitə çempionatda gedən yolda son rəqiblərini tanıyıb.
Son üç Avropa çempionatının final mərhələsində iştirak edən Azərbaycan millisi də pley-off səddini adlamalıdı. Yığmamız ilk oyunları sentyabrın 15-də, cavab matçları 1 həftə sonra keçiriləcək pley-pffda Slovakiya ilə qarşılaşacaq. Millimizin ilk sınağı evdə olacaq.
Avropa çempionatı
Pley-off mərhələsi
Rumıniya - Macarıstan
Bosniya – Qazaxıstan
Çexiya – Belarus
Azərbaycan – Slovakiya
İlk oyunlar sentyabrın 15-də, cavab oyunları 22-də keçiriləcək.
Qeyd edək ki, seçmə mərhələdən sonra Rusiya, İspaniya, İtaliya, Ukrayna, Sloveniya, Xorvatiya və Portuqaliya milliləri Avropa çempionatına vəsiqə qazanıb. 2016-cı il fevralın 2-13-də keçiriləcək final mərhələsinə ev sahibliyi edəcək Serbiya yığması isə yarışa təşkilatçı ölkə kimi qatılacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
