Türkiyədə Baş Qərargah rəisini prezident təyin edəcək, 38 min məhbus azad edilir

Türkiyədə Baş Qərargah rəisini prezident təyin edəcək, 38 min məhbus azad edilir
# 17 avqust 2016 08:33 (UTC +04:00)

Bakı - APA. Türkiyədə fövqəladə vəziyyət rejimi çərçivəsində qanun hökmündə iki qərarnamə qəbul edilib.

APA-nın “Resmi Qazete”yə istinadən verdiyi məlumata görə, qərarnamələrə əsasən, bundan sonra Türkiyə Silahlı Qüvvələrinin Baş Qərargah rəisini Nazirlər Kabinetinin təklifi ilə Türkiyə prezidenti təyin edəcək.

Qərarnamələrdə Telekommunikasiya Rabitə Nazirliyinin bağlanması, Fətullahçı Terror Təşkilatı (FETÖ) ilə əlaqəsi olan və Daxili İşlər və Xarici İşlər nazirlikləri, Türkiyə Silahlı Qüvvələri və dövlət qulluğundan xaric edilənlərin yeni siyahısı yer alıb. Polis orqanlarından 2 min 360 nəfər, Türkiyə Silahlı Qüvvələrindən aralarında polkovniklər də olmaqla, 136 nəfər xaric edilib. FETÖ ilə bağlı olan 2 min 692 nəfər dövlət qulluğundan uzaqlaşdırılıb. Əvvəllər Türkiyə Silahlı Qüvvələrindən uzaqlaşdırılmış pilotların geri dönməsinin də yolu açılıb.

Yeni qərarnamədə məhkumlarla bağlı da maddə yer alıb. Maddəyə əsasən, 38 min nəfərin məhbusun şərti azadlığa buraxılması nəzərdə tutulur.

1 2 3 4 5 İDMAN XƏBƏR
#
#

ƏMƏLİYYAT İCRA OLUNUR