Rusiyada südün də qiyməti bahalaşa bilər

Rusiyada südün də qiyməti bahalaşa bilər
# 30 avqust 2010 09:39 (UTC +04:00)
Bakı. Nicat Mustafayev - APA-Economics. Qarabaşağın ardınca yaxın gələcəkdə Rusiyada südün pərakəndə satış qiyməti də bahalaşa bilər.

«APA-Economics»in Rusiya mətbuatına istinadən verdiyi məlumata görə, buna səbəb südün tədarük qiymətinin bahalaşmasıdır. Hazırda Rusiyada 1 litr çiy südün orta qiyməti 8 rubldan (0,20 ABŞ dolları) 14 rubladək (0,46 dollar) qalxıb. Ölkənin mərkəzi regionunda isə südün qiyməti 15-19 rubl (0,50-0,60 dollar) təşkil edir. Nəticədə bu ilin sentyabr ayında ölkədə süd məhsullarının qiymətinin 15-20% bahalaşacağı gözlənilir.

Bundan başqa, Rusiyada çörəyin qiymətinin də 15% artması proqnozlaşdırılır. Hazırda Rusiyada kartof, yağ və digər məhsulların qiymətində artım müşahidə olunur.

Qeyd edək ki, avqustda Rusiyada qarabaşaq yarmasının defisiti səbəbindən bu məhsulun 1 kq topdan satış qiyməti 45 rubla (1,5 dollar) qalxıb, ölkənin bəzi regionlarında isə bir həftə ərzində qarabaşağın qiyməti 35 rubldan (1,1 dollar) 60 rubladək (2 dollar) bahalaşıb.
#
#

ƏMƏLİYYAT İCRA OLUNUR