Haitinin şimalındakı Kap-Aityen şəhərində yanacaq daşıyan yük maşınının partlaması nəticəsində ölənlərin sayı 60 nəfərə çatıb.
APA TASS-a istinadən xəbər verir ki, hadisə zamanı onlarla insan yaralanıb.
Faciə ilə bağlı Haitidə 3 günlük matəm elan olunub.
***
Saat 17:02
Haitinin şimalındakı Kap-Aityen şəhərində yanacaq daşıyan yük maşınının partlaması nəticəsində ölənlərin sayı 50 nəfərə çatıb.
APA-nın TASS-a istinadən verdiyi məlumata görə, daha 50 nəfərin xəsarət aldığı bildirilir.
Yanğın yerli vaxtla təxminən gecə yarısı (Bakı vaxtı ilə saat 09:00) radələrində baş verib. İlkin məlumatlara görə, yük avtomobili yolda aşdığı zaman yoldan keçənlər fürsətdən istifadə edərək yanacaq çənlərini doldurublar. Ehtimallara görə, bundan sonra insan və maddi tələfatla nəticələnən partlayış baş verib. Alov bir neçə saata söndürülüb.
***
15:52
Haitinin Kap-Aityen şəhərində yanacaq daşıyan maşının partlaması nəticəsində azı 40 nəfər həlak olub.
APA-nın RİA "Novosti"yə istinadən verdiyi xəbərə görə, yanacaq daşıyan maşın qəzaya uğrayıb, bundan sonra sakinlər yanacaq toplamaq üçün qəza yerinə toplaşıb.
Qısa müddət sonra çən partlayıb və yanmağa başlayıb.
Hazırda qəzanın səbəbləri ilə bağlı araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
