ABŞ dövlət departamentinin katibi Mayk Pompeo İŞİD-in İraq və Suriyanın bəzi hissələrində daha da gücləndiyini etiraf edib.
APA-nın xəbərinə görə, bu barədə ABŞ dövlət katibi "CBS" kanalına müsahibəsində danışıb.
Ümumilikdə İŞİD-in hücum qabiliyyətinin əhəmiyyətli dərəcədə azaldığını vurğulayan M.Pompeo terrorçu qrupun bəzi ərazilərdə daha da gücləndiyini əlavə edib: "Bu, mürəkkəb məsələdir. Müəyyən yerlər var ki, bu gün İŞİD orada üç-dörd il əvvəl olduğundan daha güclüdür".
İŞİD-lə mübarizəyə 80 ölkənin qoşulduğunu əlavə edən ABŞ dövlət katibi bu mübarizəni uğurlu hesab etdiyini, lakin bununla belə "əl-Qaidə" və İŞİD də daxil olmaqla radikal terrorçu qruplarının yenidən güclənmə riskinin olduğunu vurğulayıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
