2016-cı ildə İcbari Sığorta Bürosunun (İSB) aktivləri 34 mln. 566,040 min manata çatıb ki, bu da 2015-ci illə müqayisədə 4,48% və 1 mln. 481,412 çoxdur.
"APA-Economics" xəbər verir ki, bu barədə İSB-nin 2016-cı il üzrə audit hesabatında deyilir. Audit "PricewaterhouseCoopers Audit Azerbaijan" MMC tərəfindən aparılıb.
Aktivlərin strukturuna nəzər saldıqda məlum olur ki, bunun 2 mln. 40,508 min manatı (+85,79%) pul vəsaitləri və onların ekvivalentlərinin, 533,241 min manatı (-14,56%) iştirakçı sığortaçılar üzrə debitor borclarının, 16 mln. 617,390 min manatı (-6,48%) müddətli depozitlərin, 9 mln. 424,892 min manatı (8,28%) sair aktivlərin, 2 mln. 486,440 min manatı (+7,02%) ödəniş tarixinədək saxlanılan investisiya qiymətli kağızlarının, 418,813 min manatı (+2,3 dəfə) əmlak və avadanlıqların, 3 mln. 44,756 min manatı (+19,55%) qeyri-maddi aktivlərin payına düşür.
Hesabat dövründə İSB-nin öhdəlikləri 11,48% və ya 900,928 min manat artaraq 8 mln. 749,158 min manata çatıb.
Büro ötən il əməliyyat gəlirini 7 mln. 42,683 min manata, əməliyyat mənfəətini isə 6 mln. 241,296 min manata çatdırıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
