Mayın 27-də IDC ("International Data Corporation") beynəlxalq analitik şirkəti "IDC Digital Reload Forum" regional onlayn tədbir təşkil edəcək.
"APA-Economics" IDC-nın yaydığı məlumata istinadən xəbər verir ki, forumda Şərqi Avropa, Orta Asiya və Qafqazın 10 ölkəsindən nümayəndələr iştirak edəcək.
Bakı vaxtı ilə saat 13:00-da baş tutacaq forumun proqramı yeni reallıqda operativ düzəlişlər etmək, prioritetləşdirmək, işin sabitləşməsinə kömək edəcək əsas texnoloji həlləri müəyyənləşdirmək və yeni reallığın tələblərinə cavab verən səviyyəyə çatdırmaq üçün İT rəhbərlərinin ehtiyaclarını ödəmək üçün hazırlanıb.
Forumun əsas mövzuları sırasında bulud infrastrukturu, iş yerlərinin məsafədən təşkili, təhlükəsizlik və risklərin idarə edilməsi, süni intellekt və s. yer alıb.
Tədbirin ekspert şurasında Azərbaycanı "Gilan Holding" təmsil edəcək.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
