Meksikada yanmış avtomobildə 5 cəsəd tapılıb

Meksikada yanmış avtomobildə 5 cəsəd tapılıb
# 25 may 2019 08:17 (UTC +04:00)

Meksikanın Miçoakan ştatında yanmış avtomobildə 5 cəsəd aşkarlanıb.

ONA-nın xəbərinə görə, bu barədə “Excelsior” portalı məlumat yayıb.

Bildirilir ki, yanan avtomobil barəsində məlumatı polisə Uruapan və Los-Reyes şəhərləri arasında hərəkət edən digər sürücülər verib. Hadisə yerinə gələn hüquq-mühafizə orqanlarının əməkdaşları cəsədlərdən ikisini avtomobilin salonunda, daha üç nəfərin yanmış meyitini isə yük yerində aşkarlayıb.

Meksikanın Baş Prokurorluğu cəsədlərin 80 faiz yandığını və onların şəxsiyyətlərinin müəyyənləşdirilməsi üçün məhkəmə-tibb ekspertizasına ehtiyac duyulduğunu açıqlayıb.

İlkin məlumata görə, avtomobilin tapıldığı ərazinin yaxınlığında bir neçə gün əvvəl iki cinayətkar qrup arasında qarşıdurma olub. Nəticədə 10 nəfər öldürülüb, daha 3 nəfər yaralanıb.

#
#

ƏMƏLİYYAT İCRA OLUNUR