Bu gün Bakı Ağır Cinayətlər Məhkəməsində ölümlə nəticələnən yol-nəqliyyat hadisəsi törətməkdə təqsirləndirilən Telman Allahverdiyevin cinayət işi üzrə məhkəmə prosesi başa çatıb.
APA-nın xəbərinə görə, prosesdə hökm oxunub.
Hökmə əsasən, T. Allahverdiyev 6 il müddətinə azadlıqdan məhrum edilib.
Qeyd edək ki, T. Allahverdiyev 2015-ci ildə yol qəzası törətməkdə təqsirləndirilir.
Bakının Bilgəh qəsəbəsində 1982-ci il təvəllüdlü Telman Oruc oğlu Allahverdiyevin idarə etdiyi "Daewoo" markalı, 172 saylı xətt üzrə hərəkət edən sərnişin avtobusu 1978-ci il təvəllüdlü Ramiz İsmayılovunidarə etdiyi VAZ 21011 markalı avtomobillə toqquşub.
Qəza nəticəsində R. İsmayılov hadisə yerində ölüb.
T. Allahverdiyev hadisəni törədəndən sonra ölkədən qaçdığı üçün beynəlxalq axtarışa verilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
