İncəsənət

Ana səhifə

İncəsənət

Azərbaycan Bəstəkarlar İttifaqının sədri: “Təəssüflər olsun ki, sponsorlara şou-biznesə pul xərcləmək daha xoşdur” – FOTO

Azərbaycan Bəstəkarlar İttifaqının sədri: “Təəssüflər olsun ki, sponsorlara şou-biznesə pul xərcləmək daha xoşdur” – <font color=red>FOTO </font>

28 iyun 2010 07:24 (UTC +04:00)

Şəki. Ülkər Qasımova - APA. Azərbaycan Bəstəkarlar İttifaqının sədri, xalq artisti Firəngiz Əlizadə sponsorların ciddi musiqinin təbliğinə biganəliliyindən şikayətlənib. APA-nın məlumatına görə, Şəkidə keçirilən “İpək Yolu” I Beynəlxalq Musiqi Festivalı zamanı jurnalistlərə açıqlamasında Firəngiz Əlizadə festivalın keçirilməsinə sponsorların yardım etmədiyini bildirib: “Təəssüf ki, festivalın keçirilməsi üçün səsimizə səs verən olmadı. Sponsorlara şou-biznesə pul ayırmaq, xərcləmək daha xoşdur. Onlar istəyirlər ki, ancaq şou olsun, başqa heç nə ilə maraqlanmırlar”.

ABİ sədri deyib ki, Şəkidə keçirilən festival sponsorsuz təşkil olunub: “Bir qəpiksiz, bir manatsız bu festivalı keçiririk. Şəki bizə qucağını açdı, biz də bədii rəhbər kimi bu proqramları tərtib etdik. Festivalda iştirak edən xarici qonaqlarımız da ölkəmizə təmənnasız gəliblər və festival çərçivəsində mükəmməl proqramlarla çıxış edəcəklər”.

İpək_Yolu