Türkiyədə müalicə olunan rejissor Vaqif İbrahimoğlu bu gün Azərbaycana qayıdıb

Türkiyədə müalicə olunan rejissor Vaqif İbrahimoğlu bu gün Azərbaycana qayıdıb
# 20 yanvar 2011 18:42 (UTC +04:00)
Bu barədə APA-ya teatrın direktoru Tərlan Rəsulov məlumat verib. O, Vaqif İbrahimoğlunun özünü yaxşı hiss etdiyini bildirib: “Vaqif müəllimi Yuğ Teatrının bütün kollektivi ilə birgə qarşıladıq. Uzun yol gəldiyi üçün bir az yorğun idi. Amma ümumilikdə şükür Allaha ki, hər şey yaxşıdır. Müalicəsi burada da ev şəraitində davam etdiriləcək”.

T. Rəsulov müalicənin ilk kursunun uğurla başa çatdığını vurğulayıb, növbəti müalicə kursu keçməsi üçün V. İbrahimoğlunun yenidən Ankaraya getməsinin nəzərdə tutulduğunu bildirib.

Teatr rəhbəri onu da açıqlayıb ki, V. İbrahimoğlu növbəti həftənin bazar ertəsindən, yanvarın 24-dən artıq işə çıxacaq. Türkiyədə müalicəsi boyu Vaqif İbrahimoğlunun yanında olan teatrşünas Məryəm Əlizadə də rejissorla birgə Vətənə dönüb.

Xatırladaq ki, V. İbrahimoğlu ötən il noyabrın 26-da müalicə üçün Türkiyəyə gedib. Ağciyərində problem yaranan rejissor Ankaradakı Qazi Universitetinin xəstəxanasında müalicə olunub.
#
#

ƏMƏLİYYAT İCRA OLUNUR