Bakı-APA. Lüksemburq XİN başçısı Jan Asselborn Almaniyanı Kiprə bank və maliyyə sektorunda siyasət diktə etməklə avrozonada hegemoniyaya nail olmaq istəyində günahlandırıb. Bu barədə APA Reuters-ə istinadən məlumat verir.
J.Asselbornun sözlərinə görə, Almaniya Avropa İttifaqı ölkələrinə hansı modeli seçməkdə diktə edə bilməz. «Maliyyə siyasətinin sırf texniki məsələləri adı altında digər ölkələrin nəfəs borusunun bağlanması yolverilməzdir», deyə o bildirib.
Xatırladaq ki, məhz Almaniya Kipr banklarının yenidən strukturlaşmasının təşəbbüskarıdır. Plana əsasən, Kipr Xalq bankı bağlanacaq, 100 min avroyadək əmanətlər isə bu bankdan Kipr Bankına köçürüləcək. 100 min avrodan yuxarı sığorta olunmamış depozitlərə vergi qoyulacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
