XİN: İran Moskva görüşünə çox ciddi hazırlaşıb

XİN: İran Moskva görüşünə çox ciddi hazırlaşıb
# 12 iyun 2012 13:09 (UTC +04:00)
Bakı. Könül Cəfərli - APA. “İran “altılıq” ölkələri ilə keçiriləcək Moskva görüşünə çox ciddi hazırlaşıb”. APA-nın məlumatına görə, bunu İran Xarici İşlər Nazirliyinin mətbuat katibi Ramin Mehmanpərəst keçirdiyi mətbuat konfransında deyib.

O bildirib ki, müzakirələrin uğurlu keçməsi “altılıq” ölkələrinin müsbət mövqeyinə bağlıdır: “Qarşı tərəf İranın nüvə haqqını tanıyacağı təqdirdə, müzakirələrin uğurlu keçmə ehtimalı yüksək olacaq. Avropa Birliyinin xarici işlər və təhlükəsizlik siyasəti üzrə ali nümayəndəsi Ketrin Eşton və İran Ali Milli Təhlükəsizlik Şurasının katibi Səid Cəlilinin müavinləri arasında hazırlıq iclasının keçirilməsi qərara alınıb”.

Qeyd edək ki, İranla “altılıq” ölkələri arasında növbəti görüş iyunun 18-19-da Moskvada keçiriləcək.
#
#

ƏMƏLİYYAT İCRA OLUNUR