Bakı. Məlahət Nəcəfova - APA. "ATƏT-in Minsk qrupunun formatına dəyişikliklərlə bağlı məlumatım yoxdur. Bu barədə hansısa danışıqların aparılması barədə eşitməmişəm”.
APA-nın məlumatına görə, bu sözləri Rusiya Xarici İşlər Nazirliyinin rəsmi nümayəndəsi Mariya Zaxarova Sergey Lavrovun Türkiyənin Dağlıq Qarabağ münaqişəsinin həllinə töhfə verə biləcəyi ilə bağlı açıqlamasına münasibət bildirərkən deyib. O qeyd edib ki, Rusiya Minsk qrupu ölkələrinin konstruktiv rolunu yalnız alqışlaya bilər: “Minsk qrupu ölkələrinin hamısının birbaşa rolu məhz Dağlıq Qarabağ münaqişəsinin həllində konstruktiv rol oynamaq və münaqişənin həllinə töhfə verməkdir”.
Qeyd edək ki, Türkiyə də Minsk qrupunun üzvüdür.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
