Ağdam. Ziya Əmirxanlı - APA. Ağdamda zəncirvari yol-nəqliyyat hadisəsi baş verib.
APA-nın Qarabağ bürosunun xəbərinə görə, hadisə rayonun Quzanlı qəsəbəsində qeydə alınıb. Nəsiməddin Mirzəyev idarə etdiyi “VAZ 21015” markalı, 90 RS 527 dövlət nömrə nişanlı avtomobili Musaməddin Səfərovun idarə etdiyi “VAZ 2107” markalı, 02 BR 939 dövlət nömrə nişanlı avtomobilə vurub.
Daha sonra M.Səfərov zərbənin təsirindən idarəetməni itirərək avtomobili Əjdər Xəlilovun idarə etdiyi “Mitsubishi Pajero” markalı, 90 GZ 746 dövlət nömrə nişanlı avtomobilə vurub. Hadisə zamanı xəsarət alan olmasa da, maşınlara ziyan dəyib.
Faktla bağlı Ağdam Rayon Polis Şöbəsində araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
