Bu gün Qaxda maşının ağaca çırpılması nəticəsində bir nəfər ölüb.
APA-nın Şəki-Zaqatala bürosunun məlumatına görə, saat 02.00 radələrində Qax-Qorağan avtomobil yolunun 7-ci kilometrliyində Qax rayon Qorağan kənd sakini, 1993-cü il təvəllüdlü Elçin Paşa oğlu Əliyev idarə etdiyi “Mercedes” markalı, 08 BF 989 dövlət nömrə nişanlı minik avtomobil idarəetmədən çıxaraq, yolun kənarındakı ağaca çırpılıb. Nəticədə avtomobilin sərnişini, sürücünün həmkəndlisi, 1988-ci il təvəllüdlü Ruslan Rəşid oğlu Qafarov aldığı xəsarətlərindən hadisə yerində ölüb. Sürücü isə müxtəlif dərəcəli bədən xəsarətləri ilə Qax Mərkəzi Rayon Xəstəxanasına (MRX) aparılıb.
Xəstəxanadan APA-ya verilən məlumata görə, Elçin Əliyevin müalicəsi cərrahiyə şöbəsində aparılır, vəziyyəti orta-stabil qiymətləndirilir.
Faktla bağlı Daxili İşlər Nazirliyinin (DİN) Dövlət Yol Polisi İdarəsinin Baş İstintaq və Təhqiqat bölməsində araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
