Bakı. Könül Kamilqızı – APA. Təhsil naziri Mikayıl Cabbarov xüsusi təhsil məsələləri barədə əmr imzalayıb. Təhsil Nazirliyindən APA-ya verilən xəbərə görə, əmrdə respublika psixoloji-tibbi-pedaqoji komissiyasına tapşırılıb ki, rayon/şəhər psixoloji-tibbi-pedaqoji komissiyaların fəaliyyətinə nəzarəti gücləndirilməli, bununla əlaqədar müntəzəm monitorinqlərin aparılması təşkil edilməlidir.
Ərazi maliyyə hesablaşma mərkəzlərinə isə respublika psixoloji-tibbi-pedaqoji komissiyasının təsdiqi olmadan rayon psixoloji-tibbi-pedaqoji komissiyalarının rəyləri əsasında maliyyələşməni aparmaq tapşırılıb.
Yerli təhsil idarəetmə orqanları rəhbərləri, yerli psixoloji-tibbi-pedaqoji komissiyasının tərkibinə dair təklifləri 1 ay müddətində nazirliyə təqdim etməlidirlər.
Əmrin icrasına nəzarət nazirliyin aparat rəhbəri Mətin Eynullayevə həvalə olunub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
