Moskva. Fərid Əkbərov – APA. Rusiya prezidentinin mətbuat katibi Dmitri Peskov Moskvanın Kuba və Vyetnamda hərbi baza yaratmaq planlarına münasibət bildirib.
APA-nın Moskva müxbirinin verdiyi məlumata görə, Peskov dünyada vəziyyətin dəyişdiyini xatırladıb.
Moskvanın ölkə xaricində hərbi baza yaradılması ilə bağlı konkret planına gəldikdə isə Peskov bununla bağlı sualı Rusiya Müdafiə Nazirliyinə ünvanlamağı məsləhət görüb. O qeyd edib ki, son iki ildə beynəlxalq münasibətlər sistemində əhəmiyyətli dəyişikliklər baş verib: “Ona görə də, ölkələr öz maraqlarına uyğun olaraq bu dəyişiklikləri qiymətləndirir və vacib bildikləri istiqamətdə müəyyən tədbirlər görür”.
Qeyd edək ki, Rusiya müdafiə nazirinin müavini Nikolay Pankov Dövlət Dumasında çıxışında Sovetlər İttifaqı dövründə hərbi bazalarının olduğu ölkələrdə mövcudluğunun bərpasını istisna etməyib. Ondan əvvəl isə müdafiə naziri Sergey Şoyqu Rusiyanın xaricdəki, xüsusilə də Tacikistan, Qırğızıstan və Ermənistandakı hərbi bazalarını inkişaf etdirmək niyyətində olduğunu bildirib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
