Ölkə kubokunun finalının yeri dəyişməyəcək. Bu barədə apasport.az saytına Peşəkar Futbol Liqasının prezidenti Ramin Musayev məlumat verib. O bildirib ki, “Qarabağ” və “Qəbələ” arasında keçiriləcək görüş mayın 5-də Naxçıvanda baş tutacaq.
“Artıq qərar verilib. Mayın 4-dən etibarən Bakıdakı stadionların əksəriyyəti İslam Həmrəylik Oyunlarının Əməliyyat Komitəsinin ixtiyarına veriləcək. Bu səbəbdən final Naxçıvanda keçiriləcək” – deyə, PFL prezidenti bildirib.
Xatırladaq ki, “Qarabağ” və “Qəbələ” azarkeşləri bəyanat yayaraq, ölkə kubokunun finalının Naxçıvanda deyil, başqa bir şəhərdə keçirilməsini tələb edib. Azarkeşlərin fikrincə, Naxçıvana gedib-gəlmək əlavə xərc tələb edir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
