Bakı-APA. Komor Adaları İttifaqı Respublikası İranla diplomatik münasibətlərin dayandırılmasına dair qərar verib. APA-nın “RİA Novosti”yə istinadən verdiyi xəbərə görə, müvafiq qərar Komor Adaları hökumətinin iclasında qəbul olunub.
Bundan əvvəl Komor Adaları Respublikası Səudiyyə Ərəbistanı ilə həmrəylik nümayiş etdirərək İrandakı səfirini geri çağırıb.
Qeyd edək ki, Səudiyyə Ərəbistanı yanvarın 3-dən İranla diplomatik əlaqələri kəsdiyini bəyan edib. Tehranla Ər-Riyad arasındakı münasibətlərin gərginləşməsinə səbəb şiə din xadimi, vaiz Nimr ən-Nimrin Səudiyyə Ərəbistanında edam edilməsi olub.
Bəhreyn, Sudan və Cibuti Tehranla əlaqələrini kəsmiş Səudiyyə Ərəbistanı ilə həmrəylik nümayiş etdirərək İranla diplomatik münasibətləri dayandırıblar.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
