PYD nümayəndəsi: "Rusiya kürdlərə Afrini Əsədin nəzarətinə verməyi təklif edib"

PYD nümayəndəsi: "Rusiya kürdlərə Afrini Əsədin nəzarətinə verməyi təklif edib"
# 22 yanvar 2018 14:14 (UTC +04:00)

"Türkiyə Suriyada hərbi əməliyyatlara başlamazdan öncə Moskva kürdlərə Afrini Dəməşqin nəzarətinə verməyi təklif edib".

APA-nın Moskva müxbirinin məlumatına görə, bunu RBK-ya açıqlamasında Suriyadakı kürd qruplaşması PYD-nin (Demokratik İttifaq Partiyası) nümayəndəsi Sihanok Dibo deyib.

S. Dibo bildirib ki, Rusiya PYD-nin hərbi qolu olan "Suriya Demokratik Qüvvələri"nə (SDF) Türkiyənin hərbi əməliyyatının qarşısını almağın əvəzində Afrini Bəşər Əsəd qüvvələrinin nəzarətinə verməyi təklif edib. PYD isə Moskvanın təklifini qəbul etməyib. S. Dibonun sözlərinə görə, bu təklif Suriya münaqişəsinin həllinə kömək etmir.


Kürdlərin nümayəndəsi Rusiya tərəfindən məhz kimin bu təklifi irəli sürdüyünü açıqlamayıb.


Qeyd edək ki, "Associated Press" agentliyi də kürdlərin "Xalq Özünümüdafiə Dəstələri"nin (YPG) 3 nümayəndəsinə istinadən Rusiyanın kürdlərə Türkiyənin hücumundan yayınmaq üçün Dəməşqin nəzarətinə keçməyi təklif etdiyini xəbər verib. Afrin hökumətinin müşaviri Badran Çiy Kurddan sitat gətirən agentlik Moskvanın tələbinin ultimatum xarakteri daşıdığını yazıb: "Ya Türkiyə əməliyyata başlayacaq, ya da Afrin Əsədin nəzarətinə verilməlidir".


PYD nümayəndəsi S. Dibo partiyasının yanvarın 30-da Soçidə keçiriləcək Suriya Milli Dialoq Konqresində iştirak etməyəcəyini də vurğulayıb: "PYD Soçi Konqresində əldə olunacaq heç bir razılığı yerinə yetirməyəcək".

1 2 3 4 5 İDMAN XƏBƏR
#
#

ƏMƏLİYYAT İCRA OLUNUR