Asiya

Ana səhifə

Asiya

İsrailin Beyruta hava hücumu zamanı 8 nəfər ölüb, 59 nəfər yaralanıb - VİDEO - YENİLƏNİB-4

20 sentyabr 2024 18:52 (UTC +04:00)

İsrailin Beyruta hava hücumu zamanı 8 nəfər ölüb, 59 nəfər yaralanıb.

APA xəbər verir ki, bu barədə Livan Səhiyyə Nazirliyi məlumat yayıb.

***

18:12

İsrailin Beyrutun cənubuna endirdiyi aviazərbə nəticəsində 3 nəfər ölüb, 17 nəfər yaralanıb.

APA xəbər verir ki, bu barədə Livan Səhiyyə Nazirliyi məlumat yayıb.

Hizbullaha yaxın mənbə isə AFP-yə İbrahim Akilin İsrailin hava hücumu nəticəsində öldürüldüyünü təsdiqləyib.

***

17:45

İsrailin Livandakı hücumunun əsas hədəfi Hizbullahın əməliyyat qrupunun komandiri İbrahim Akil olub.

APA xəbər verir ki, Akil Hizbullahın Livanın cənubundakı əsas hərbi komandiri və Fuad Şükrün öldürülməsindən sonra Nəsrullahın yeni iki nömrəli komandirinə çevrilib.

İbrahim Akil 1983-cü ildə Beyrutdakı ABŞ Səfirliyi və Dəniz Piyadaları Qərargahında törədilən partlayışlara görə Federal Təhqiqat Bürosu (FTB) tərəfindən axtarışa verilib və onun başına 7 milyon dollar mükafat qoyulub.

***

17:31

İsrailin Beyrutun cənubuna endirdiyi aviazərbə nəticəsində 5 nəfər ölüb.

APA xəbər verir ki, bu barədə Livan mediası məlumat yayıb.

***

17:23

İsrail ordusunun Beyruta endirdiyi aviazərbə nəticəsində Hizbullah lideri Həsən Nəsrullahın müavini Naim Qassemin hədəf alındığı bildirilir.

APA xəbər verir ki, Livan mediasının məlumatına görə, aviazərbə "Hizbullahın qalası" kimi tanınan Dahiyə bölgəsinə endirilib.

İsrail qüvvələrinin hücumu F-35-lərlə həyata keçirdiyi qeyd olunub.

https://t.me/apa_az/88320

***

16:58

İsrail ordusu Livanın paytaxtı Beyrut şəhərinə zərbə endirib.