İsrail hərbçiləri Fələstinin radikal HAMAS hərəkatının silahlı qanadının Qəzza zolağının Beyt Hanun şəhərindəki qərargahına hücum edib.
APA xəbər verir ki, ordunun mətbuat xidmətinin məlumatına görə, bu obyekt həmin ərazidəki keçmiş məktəblərdən birinin ərazisində yerləşib.
“Bir müddət əvvəl İsrail Hərbi Hava Qüvvələri İsrail Müdafiə Qüvvələri və Baş Təhlükəsizlik Xidmətinin kəşfiyyat məlumatlarını rəhbər tutaraq, HAMAS-ın nəzarət və komanda mərkəzinə hədəfli zərbə endirib. Bu məkan əvvəllər Beyt Hanunda Raazi eş-Şua məktəbi kimi istifadə edilib” – məlumatda deyilir.
İsrail ordusunun məlumatına görə, HAMAS-ın bu qərargahı son həftələrdə İsrail Dövləti qoşunlarına qarşı raket hücumlarının planlaşdırılması və həyata keçirilməsi üçün əməliyyat sığınacağı və yer kimi istifadə edilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
