Talibanın Çinə təyin etdiyi səfir Pekinə gedib

Talibanın Çinə təyin etdiyi səfir Pekinə gedib
# 01 dekabr 2023 15:56 (UTC +04:00)

Taliban administrasiyası keçmiş sözçüsü Bilal Kərimini Çinə səfir təyin edib.

APA “Reuters”ə istinadən xəbər verir ki, bu barədə Əfqanıstanın Xarici İşlər Nazirliyi məlumat yayıb.

Bildirilib ki, bununla da Taliban 2021-ci ildə Əfqanıstanda hakimiyyəti ələ keçirməsindən sonra hər hansı bir ölkəyə ilk dəfə rəsmi formada nümayəndə təyin etmiş olub.

XİN-in bəyanatında Bilal Kəriminin yeni təyinatı ilə əlaqədar noyabrın sonunda Çinə getdiyi qeyd olunub.

“O, Əfqanıstan İslam Respublikasının Çin Xalq Respublikasına rəsmi şəkildə akkreditasiyadan keçmiş səfiridir”, - XİN-in mətbuat katibi Əbdul Qahar Bəlxi “Reuters”ə bildirib.

Bilal Kərimi artıq etimadnaməsini təqdim edib.

#
#

ƏMƏLİYYAT İCRA OLUNUR