Türkiyə ilə İsveç arasında Təhlükəsizlik Mexanizmi üzrə ilk toplantı sabah Ankarada keçiriləcək.
APA xəbər verir ki, bu barədə “Star Gazetesi” məlumat yayıb.
Bildirilib ki, Ankarada keçiriləcək iclasa xarici işlər naziri Hakan Fidan və İsveçin xarici işlər naziri Maria Malmer Stenerqard sədrlik edəcək.
İclasın gündəliyində təhlükəsizlik, xüsusilə də terrorizmlə mübarizə sahəsində əməkdaşlıq məsələləri müzakirə olunacaq. Bu çərçivədə xüsusilə PKK/PYD/YPG və FETÖ terror təşkilatları kontekstində əlavə addımların atılması gözlənilir.
Bundan əlavə, nazir Fidanın İsveç xarici işlər naziri Stenerqard ilə görüşündə ikitərəfli məsələləri, regional və qlobal hadisələri müzakirə edəcəyi gözlənilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
