Bakı. Anaxanım Hidayətova - APA. Səfir Herbert Salberin namizədliyi Avropa Birliyinin (AB) Cənubi Qafqaz və Gürcüstan böhranı üzrə növbəti xüsusi nümayəndəsi vəzifəsinə irəli sürülüb.
APA-nın Avropa Birliyinin mətbuat xidmətinə istinadən xəbərinə görə, bu təklif AB-nin xarici işlər və təhlükəsizlik siyasəti üzrə ali nümayəndəsi Ketrin Eşton tərəfindən irəli sürülüb və bütün üzv ölkələrin təsdiqini alıb.
Rəsmi təyinatdan əvvəl səfir H.Salber iyunun 17-18-də baş tutacaq növbəti Cenevrə müzakirələrində AB tərəfindən sədrlik edəcək.
Almaniya Xarici İşlər Nazirliyində yüksək vəzifələrdə işləyən diplomat Belqrad, Vyana və Moskvada çalışıb, eləcə də Qazaxıstanda ATƏT ofisin rəhbəri və ATƏT-in münaqişələrin qarşısını alınması mərkəzində fəaliyyət göstərib.
K.Eşton bildirib ki, səfir Herbert Salverin geniş bilik və təcrübəsi AB fəaliyyəti üçün çox mühümdür.
Qeyd edək ki, indiyədək AB-nin Cənubi Qafqaz və Gürcüstan böhranı üzrə xüsusi nümayəndəsi Filipp Lefortun səlahiyyət müddəti bu ilin yanvar ayında başa çatıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
