APA-nın “Novosti-Qruziya” agentliyinə istinadən verdiyi xəbərə görə, İ. Qaribaşvili hökumətin iclasında istefa verən nazirlər Maya Pancikidze və Aleksi Petriaşvilini xəyanətkar adlandırıb və cəmiyyətə Alasaniya haqda çoxlu sürprizlər vəd edib. “Alasaniyanın əməlləri təbii ki, 2012-ci ildəki qələbəmizə xəyanət və gürcü xalqını növbəti dəfə aldatmaq cəhdidir. O, dəfələrlə belə hərəkətlər edib, cəmiyyətimiz gələcəkdə bunu biləcək və bir çox sürprizlərə şahid olacaq”, - deyə hökumət başçısı söyləyib.
İ. Qaribaşvili İ. Alasaniyanı avantürist, axmaq və ambisiyalı şəxs adlandıraraq onun komandasının üzvlərinin addımlarının anti-dövlət xarakterli olduğunu vurğulayıb: “Bunlar təbii ki, ölkəmizə qarşı atılan addımlardır. Biz Alasaniya və bu tip avantüristlərdən qorxmuruq, biz sakitcə bu əngəli aşacağıq. Sevindiricidir ki, xəyanətkarlar bizim komandadan getdilər, bu, həm bizim üçün, həm də ölkə üçün müsbət hadisədir”.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
