Bakı. Rüfət Əhmədzadə - APA. Türkiyədə Rusiya layihəsi üzrə gerçəkləşəcək “Akkuyu” Atom Elektrik Stansiyasının təməlqoyma mərasimi 2015-ci ilin martında baş tutacaq. APA-nın “RİA Novosti”yə istinadən verdiyi məlumata görə, bunu Türkiyənin energetika və təbii sərvətlər naziri Taner Yıldız bildirib.
“Bu ay ərzində biz AES-in yerləşəcəyi bölgədə liman inşaatı ilə bağlı tender elan edəcəyik, mart ayında isə iki ölkənin liderlərinin iştirakı ilə layihənin təməlqoyma mərasimini keçirmək istəyirik”, – deyə T. Yıldız qeyd edib.
Nazir bəyan edib ki, Türkiyənin Ekologiya Nazirliyi tərəfindən “Akkuyu”nun ətraf mühitə təsiri barədə hesabatın təsdiqlənməsi Vladimir Putinin Türkiyəyə səfəri öncəsi Rusiyaya dostluq jesti kimi dəyərləndirilə bilər: “Hesabatın 3700 səhifəsi diqqətlə təhlil olunub və Türkiyə tərəfində layihənin təhlükəsizliyinə şübhə qalmayıb”.
Qeyd edək ki, Mersin yaxınlığında yerləşəcək “Akkuyu” AES-in inşaatı barədə saziş 2010-cu ildə imzalanıb. 4 reaktordan ibarət və hər enerji bloku 1200 meqavatt enerji verə biləcək AES-in layihə qiyməti 20 milyard dollardır.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
