Bakı. Rəşad Süleymanov – APA. Türkiyənin Amerikadan satın alacağı CH-47F “Chinook” ağır yük helikopterinin biri prezidentin istifadəsində olacaq. APA-nın xəbərinə görə, bu barədə Türkiyə mətbuatı məlumat yayıb.
Türkiyə Müdafiə Sənayesi İcra Komitəsinin son iclasında əvvəlcə alınması planlaşdırılan 6 ədəd “Chinook”un sayının 11-ə çıxarılması barədə qərar qəbul edilib. Əlavə helikopterlərdən 4-ü Silahlı Qüvvələrin, 1-i isə Prezident Administrasiyasının istifadəsində olacaq.
“Chinook” helikopteri tam təchizatlı 55 əsgər, eləcə də xarici asmasında topları, nəqliyyat vasitələrini daşıya bilir. Vyetnam-ABŞ müharibəsində geniş istifadə olunmuş “Chinook”ların ABŞ ordusunun istifadəsində 2040-cü ilədək qalacağı planlaşdırılır.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
