Bakı. Zümrüd Paşayeva - APA. Ukrayna prezidenti Petro Poroşenko İtaliyanın Milan şəhərində Almaniya kansleri Angela Merkellə görüşüb. APA-nın Ukrayna prezidentinin saytına istinadən verdiyi xəbərə görə, görüş Petro Poroşenkonun Asiya-Avropa sammitində iştirakı çərçivəsində baş tutub. Tərəflər müzakirə zamanı Donbass bölgəsində atəşkəsə dair Minsk razılaşmasına əməl etməyin vacibliyini qeyd ediblər. ATƏT missiyasının Rusiya-Ukrayna sərhədində monitorinqi genişləndirməsi və bunun üçün lazımi texniki imkanların yaradılmasının vacibliyi də vurğulanıb.
Görüşün sonunda P. Poroşenko “bu görüşdə Ukrayna ilə birlik və həmrəylik nümayiş olundu” deyə qeyd edib.