Ukrayna Prezidenti Vladimir Zelenski və Avropa Komissiyasının Prezidenti Ursula von der Leyen arasında telefon danışığı olub.
APA xəbər verir ki, bu barədə Prezident Zelenskinin "X" hesabında bildirilib.
"Böyük beynəlxalq tədbirlərdən əvvəl mövqelərimizi koordinasiya etmək üçün Ursula von der Leyen ilə danışdım. Biz alternativ taxıl marşrutlarını müzakirə etdik. Eyni zamanda, üzv dövlətlər tərəfindən birtərəfli məhdudiyyətlərin aradan qaldırılması ilə bağlı konstruktiv dialoqu davam etdirmək və ukraynalı fermerlərə dəstək yollarını axtarmaq barədə razılaşdıq.
Qarşıdakı dörd il üçün 50 milyard avro dəyərində uzunmüddətli maliyyə dəstəyi proqramı hazırladığı üçün Avropa İttifaqına minnətdaram. Üzv dövlətlərin bunu dəstəkləməsini səbirsizliklə gözləyirik", - Zelenski bildirib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
