Afrika

Ana səhifə

Afrika

“Anadolu” Agentliyinin Qahirə ofisinin Türkiyə vətəndaşı olan əməkdaşı ölkəsinə qayıdıb - YENİLƏNİB

17 yanvar 2020 10:50 (UTC +04:00)

Misirdə Türkiyənin “Anadolu” Xəbər Agentliyinin (AA) Qahirə ofisində həbs edilib dünən azadlığa buraxılan Hilmi Balçı bu sabah Türkiyəyə qayıdıb.

APA-nın Türkiyə bürosunun məlumatına görə, AA-nın Qahirə Ofisinin maliyyə və idarəetmə işləri üzrə məsul şəxsi Hilmi Balçı bildirib ki, həbsdən buraxılmasında başda Türkiyə Prezidenti olmaqla bir çox rəsmi qurumların dəstəyi olub.

***

09:43

Misirdə Türkiyənin “Anadolu” Xəbər Agentliyinin (AA) Qahirə ofisində həbs edilən 4 əməkdaşından biri - Türkiyə vətəndaşı Hilmi Balçı azadlığa buraxılıb.

APA-nın Türkiyə bürosunun məlumatına görə, AA-nın rəhbəri Şenol Kazançı bildirib ki, digər 3 əməkdaşın da zəmanətlə buraxılması gözlənilir. Şenol Kazançı AA əməkdaşlarının həbsini beynəlxalq hüquqa zidd hesab etdiyini və bununla əlaqədar lazım olan tədbirlərin görüləcəyini bildirib.

Xatırladaq ki, yanvarın 14-də Misirdə polis əməkdaşları AA-nın Qahirə ofisində əməliyyat keçirib, agentliyin 4 əməkdaşı naməlum istiqamətə aparılıb. Əməkdaşları terrorla əlaqədə ittiham etməklə polis ofisdəki təhlükəsizlik kameraları və interneti qapamaqla orada araşdırma aparıb.

BMT başda olmaqla bir çox beynəlxalq təşkilat bu hadisəni pisləyib.