Nigerdə silahlıların hücumu zamanı 100-dək mülki şəxs öldürülüb

Nigerdə silahlıların hücumu zamanı 100-dək mülki şəxs öldürülüb
  • Clock-gray 21:37
  • calendar-gray 03 Yanvar 2021

Nigerin qərbində iki kəndə silahlıların hücumları nəticəsində təxminən 100 nəfər ölüb.

APA “RİA Novosti”yə istinadən xəbər verir ki, bunu Tondikivindi kommunasının rəhbəri Almu Hassan bildirib.

Bundan bir qədər əvvəl agentliyin bir hərbi mənbəyə istinadən verdiyi məlumata görə, şənbə günü Nigerin qərbində naməlum silahlıların hücumu nəticəsində azı 58 mülki şəxs öldürülüb. Hücum Mali ilə sərhəd yaxınlığında qeydə alınıb.

“Çoma Banqu kəndində 70-dək, Zarumadareyedə isə 30 nəfər öldürülüb. 75 nəfər də yaralanıb”, - deyə Hassan “France Presse” agentliyinə bildirib.

Məlumata görə, hücuma məruz qalan kəndlər Nigerin paytaxtı Niameydən 120 kilometr şimalda yerləşir.

Hücum ölkədə prezident seçkilərinin birinci turunun ilkin nəticələrinin açıqlandığı gün baş verib. Həm nəticələrə əsasən, XİN-in keçmiş rəhbəri, daha sonra Nigerin daxili işlər və təhlükəsizlik naziri 61 yaşlı Məhəmməd Bazum liderlik edir. Seçkilərin ikinci turunun fevral ayında baş tutacağı deyilir.

apa-logo-mini

Digər xəbərlər