“Boko Haram” terror qruplaşmasının silahlıları Nigeriyanın şimal-şərqində yerləşən Borno əyalətindəki Maqumeri şəhərinə hücum edərək azı 15 nəfəri öldürüblər.
APA “TASS” agentliyinə istinadən xəbər verir ki, bu barədə “Sinhua” xəbər agentliyi yerli hakimiyyət orqanlarına istinadən məlumat yayıb.
Silahlılar ötən gün axşam saatlarında 11 avtomobillə Maqumeriyə gəliblər və atışma baş verib. Məlumata görə, atışmada 8 yerli hərbçi, təhlükəsizlik əməkdaşı və 6 mülki şəxs ölüb.
Şahidlər terrorçuların ağır pulemyotlardan istifadə etdiklərini bildirirlər. Nigeriya ordusu hadisə ilə bağlı hələ məlumat verməyib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
